មេរៀនសង្ខេប ការរៀបចំការស្រាវជ្រាវ

មេរៀនទី៩៖ ការរៀបចំការស្រាវជ្រាវ
Lesson 9: Research Design

លទ្ធផលរំពឹងទុក មេរៀននេះ៖ បន្ទាប់ពីរៀនមេរៀននេះ គរុនិស្សិតនឹង

-      ពន្យល់និយមន័យ និងមុខងារនៃការរៀបចំការស្រាវជ្រាវទាំងការស្រាវជ្រាវទូទៅ និងស្រាវជ្រាវប្រតិបត្ដិ

ការរៀបចំការស្រាវជ្រាវគឺជាផែនការលម្អិតដែល នឹងត្រូវប្រើដើម្បីតម្រង់ទិសការសិក្សាស្រាវជ្រាវឆ្ពោះទៅរកគោលដៅដែលអ្នកស្រាវជ្រាវត្រូវការ (Aaker et al., 2019)។ ការរៀបចំការស្រាវជ្រាវ ជាគម្រោង ជាផែនការ ជារចនាសម្ព័ន្ធ ជាយុទ្ធសាស្ដ្រ​នៃការសង្កេតដើម្បី ឆ្លើយនឹងសំណួរស្រាវជ្រាវ ឬបញ្ហាស្រាវជ្រាវ (Kumar, 2011) ។ ការរៀបចំការស្រាវជ្រាវ នឹងធ្វើឡើងដោយកំណត់ពីភាពច្បាស់លាស់ ពីប្រភេទនៃការស្រាវជ្រាវ ថាតើអ្នកសិក្សាស្រាវជ្រាវ នឹងជ្រើសរើសការស្រាវជ្រាវមួយណា រវាងការស្រាវជ្រាវបែបគុណវិស័យ និងបរិមាណវិស័យ។

v  សំណួរសំខាន់ៗ នៃនីតិវិធី នៃការស្រាវជ្រាវ

-      តើអ្វីដែលអ្នកនឹងត្រូវសិក្សាស្រាវជ្រាវ?

-      ហេតុអ្វីបានត្រូវសិក្សាវា?

-      តើមានទិន្នន័យប្រភេទអ្វីខ្លះដែលត្រូវការ?

-      តើកន្លែងណាដែលមានទិន្នន័យដែលត្រូវការ?

-      តើការសិក្សាត្រូវការពេលវេលាប៉ុន្មាន?

-      តើអ្វីដែលនឹងក្លាយជាសំណាកគំរូ?

-      តើបច្ចេកទេសប្រមូលទិន្នន័យអ្វីខ្លះដែលត្រូវប្រើ?

-      តើទិន្នន័យនឹងត្រូវវិភាគយ៉ាងដូចម្ដេច?

ការប្រៀបធៀបវិធីសាស្ត្រស្រាវជ្រាវបែបបរិមាណវិស័យ និងគុណវិស័យអាចត្រូវបានពិនិត្យតាមជំហាន នីមួយៗ ដូចខាងក្រោមនេះ៖

ក្រាម១.១ លំហូរនៃដំណើរការស្រាវជ្រាវ បែបបរិមាណវិស័យ និងគុណវិស័យ (Creswell, 2012)

v  លក្ខណៈនៃការស្រាវជ្រាវបែបបរិមាណវិស័យ

-      ពណ៌នាអំពីបញ្ហាស្រាវជ្រាវ ដោយរៀបរាប់អំពីនិន្នាការ ឬតម្រូវការនៃការពន្យល់អំពីទំនាក់ទំនងរវាងអថេរ។

-      រៀបរាប់អំពីគោលបំណងស្រាវជ្រាវ សំណួរស្រាវជ្រាវ និងសម្មតិកម្មប្រកបដោយភាពជាក់លាក់និង ច្បាស់លាស់ ហើយដែលអាចវាស់វែងនិងសង្កេតបាន។

-      បង្កើតកម្រងសំណួរដើម្បីប្រមូលទិន្នន័យ។

-      ប្រមូលទិន្នន័យជាលេខពីមនុស្សមួយចំនួនធំដោយប្រើឧបករណ៍និងកម្រងសំណួរដែលបានរៀបចំត្រៀម ទុកជាស្រេច។

-      វិភាគទិន្នន័យដើម្បីប្រៀបធៀបក្រុម ឬពិនិត្យទំនាក់ទំនងអថេរដោយប្រើវិធីសាស្ត្រស្ថិតិដើម្បីបកស្រាយ លទ្ធផល ហើយអាចប្រៀបធៀបលទ្ធផលទាំងនេះទៅនឹងការព្យាករណ៍ ឬការស្រាវជ្រាវមុនៗ។ និង

-      សរសេររបាយការណ៍ស្រាវជ្រាវដោយប្រើឃ្លោងឃ្លាឱ្យបានត្រឹមត្រូវច្បាស់លាស់ឱ្យស្របតាមគោលបំណង នៃការស្រាវជ្រាវព្រមទាំងមានតម្លៃនៃស្នាដៃស្រាវជ្រាវ និងប្រកបដោយក្រមសីលធម៌ត្រឹមត្រូវនៃវិជ្ជាជីវៈរបស់អ្នក សិក្សាស្រាវជ្រាវ។

o   ការស្រាវជ្រាវបែបបែបពិសោធន៍ (Experimental) ឧ. ក្រុមសិស្សដែលគ្រូបង្រៀនបានប្រើវិធីសាស្ដ្រIBL និងក្រុមសិស្សដែលគ្រូបង្រៀនប្រើវិធីសាស្ដ្រប្រពៃណី

o   ការស្រាវជ្រាវបែបទំនាក់ទំនង (Correlational) ឧ. ទំនាក់ទំនងរវាងសិស្សពូកែមុខវិជ្ជារូបវិទ្យា និងគីមីវិទ្យា

o   ការស្រាវជ្រាវបែបពិពណ៌នា (Descriptive) ឧ. ស្ថានភាពសិក្សារបស់គរុនិស្សិត

v  លក្ខណៈនៃការស្រាវជ្រាវបែបគុណវិស័យ

-      ស្វែងយល់ពីបញ្ហានិងអភិវឌ្ឍការយល់ដឹងលម្អិតអំពីបាតុភូត និងរបកគំហើញថ្មីៗ។

-      ពិនិត្យឡើងវិញនូវទ្រឹស្តីនានាដែលពាក់ព័ន្ធនឹងប្រធានបទស្រាវជ្រាវ ឬបញ្ហាដែលត្រូវដោះស្រាយ ទោះជា មិនសូវមានសារសំខាន់ក៏ដោយ។

-      បញ្ជាក់គោលបំណងនិងសំណួរស្រាវជ្រាវជាទូទៅនិងទូលំទូលាយដែលទាក់ទងនឹងបទពិសោធន៍របស់ អ្នកចូលរួមក្នុងការសិក្សាស្រាវជ្រាវ។

-      ប្រមូលទិន្នន័យដោយផ្អែកលើពាក្យចេញពីមាត់បុគ្គលមួយចំនួនតូចដើម្បីធ្វើការសិទ្ធិដ្ឋានរួមនូវទស្សនៈ របស់អ្នកចូលរួមសិក្សាស្រាវជ្រាវ។

-      វិភាគទិន្នន័យបែបពិពណ៌នាដោយប្រើអត្ថបទវិភាគ និងបកស្រាយអត្ថន័យឱ្យបានសព្វជ្រុងជ្រោយ និង ស៊ីជម្រៅបំផុត។ និង

-      សរសេររបាយការណ៍ដោយប្រើឃ្លោងឃ្លាឱ្យបានត្រឹមត្រូវច្បាស់លាស់ដែលអាចជឿទុកចិត្តបាន ដែល រំលេចនូវវិជ្ជាជីវៈនិងក្រមសីលធម៌របស់អ្នកស្រាវជ្រាវ។

o   ការស្រាវជ្រាវបែបករណីសិក្សា (Case study) ឧ. ករណីសិក្សា វិទ្យាល័យពេជ្រចិន្ដា

o   ការស្រាវជ្រាវបែបជាតិពន្ធុសាស្ដ្រ (Ethnography) ឧ. ជីវិតរស់នៅរបស់កម្មកររោងចក្រកាត់ដេរ

o   ការស្រាវជ្រាវបែបបាតុភូត (Phenomenology) ឧ. បទពិសោធន៍គ្រប់គ្រងរបស់នាយកសាលាវិទ្យាល័យ

v  ការរៀបចំការស្រាវជ្រាវ

v  គំរូទម្រង់ ការរៀបចំការស្រាវជ្រាវ

v  ក្រមសីលធម៌ នៃការស្រាវជ្រាវអប់រំ

-      ការយល់ព្រមដែលបានជូនដំណឹង

-       ការលួចចម្លងស្នាដៃ

-       ការ​បង្កើត​ទិន្នន័យ/ការ​បង្ហាញ​មិន​ពិត

-       សម្ពាធលើការស្រាវជ្រាវ

-       ការទទួលខុសត្រូវចំពោះសហគមន៍ស្រាវជ្រាវ

-       មិនបង្កហានិភ័យដល់សំណាក

-       រក្សាការសម្ងាត់

-       សោះត្រង់ចំពោះទិន្នន័យ

-       បង្ហាញប្រភពឯកសារយោង ... (Cohen et al., 2007)។