ឯកទេស ការប្រើICT សម្រាប់ការបង្រៀន និងរៀន I ឆមាសទី១ សប្ដាហិ៍ទី៥ មូលដ្ឋានគ្រឹះកុំព្យូទ័រ អ៊ិនធឺណិត អ៊ីម៉េល និងអក្ខរកម្មប្រព័ន្ធផ្សព្វផ្សាយ

v  ព័ត៌មាន គឺសំដៅដល់ដំណឹងថ្មីៗ ការបង្ហាញការពិតអំពីព្រឹត្តិការណ៍ ឬឧបទ្ទវហេតុ ដែលទើប តែកើតឡើង ឬកំពុងកើតឡើង។

v  ដំណឹង ជាអ្វីដែលប្រាប់ឱ្យយើងដឹងពីរឿងអ្វីមួយឧទាហរណ៍មានដូចជា ចំណេះដឹង ទិន្នន័យ ជាក់ស្តែង ការសិក្សាស្រាវជ្រាវ  ឬការណែនាំជាដើម។

v  ព័ត៌មានខុស (Misinformation) ជាទូទៅសំដៅលើព័ត៌មាន ដែលនាំឱ្យមានការយល់ខុស ដែលគេបង្កើតឡើង ឬចែកចាយដោយមិនមានចេតនាគ្រប់គ្រង ឬបំណងអាក្រក់នោះទេ។ 

v  ព័ត៌មានមិនពិត (Disinformation) គឺសំដៅជាទូទៅលើការប៉ុនប៉ងដោយចេតនា (មានការរៀបចំទុក) ដើម្បីបំភ័ន្ត ឬបោកប្រាស់មនុស្ស តាមរយៈការផ្តល់ព័ត៌មានមិនស្មោះត្រង់។ 

v  ព័ត៌មានបង្កព្យសនកម្ម (Malinformation) គឺសំដៅលើប្រភេទព័ត៌មានដែលអាចជាការពិត ប៉ុន្តែវាត្រូវបានប្រើដើម្បីធ្វើឱ្យគ្រោះ ថ្នាក់ដល់មនុស្ស អង្គការ ឬប្រទេសណាមួយ។ ឧទាហរណ៍ ឯកសារការទូតដែលបានផ្លាស់ប្តូររវាងរដ្ឋាភិបាល និងស្ថានទូតរបស់ខ្លួន នៅបរទេស អាចនឹងត្រូវបែកធ្លាយ ដែលអាចមានផលប៉ះពាល់អវិជ្ជមានដល់រដ្ឋាភិបាល និងប្រជាជន។